Jon Rakipi

Avokat, Ortak

Jon Rakipi, avokat dhe ortak, drejton praktikën e compliance dhe të përafrimit me BE-në. Specializohet në rregullimin financiar, mbrojtjen e të dhënave personale (GDPR), rezistencën operacionale digjitale (DORA), parandalimin e pastrimit të parave (AML/KYC) dhe analiza boshllëqesh ndaj legjislacionit të BE-së.

"Ndërthur praktikën me akademinë: dua të mësoj vazhdimisht, t'u mësoj të tjerëve dhe t'i çoj çështjet e klientëve drejt suksesit."

Ekspertiza

Biografia

Jon Rakipi është avokat dhe ortak në Zyrën Ligjore Rakipi & Partners, ku drejton praktikën për të drejtën e mbikëqyrjes financiare, compliance-in, mbrojtjen e të dhënave personale dhe përafrimin me legjislacionin e BE-së.

Ka mbi shtatë vjet përvojë në Holandë (Amsterdam) në rregullimin financiar, compliance dhe auditimin e brendshëm, në bashkëpunim me autoritetet holandeze të mbikëqyrjes financiare. Ka punuar me rregullat për tregjet e investimeve, abuzimin me tregun, kërkesat prudenciale, pagesat dhe rezistencën operacionale digjitale, me verifikimet për parandalimin e pastrimit të parave dhe me dosjet për miratimin e drejtuesve dhe të pjesëmarrjeve cilësore. Në mbrojtjen e të dhënave personale ka punuar me vlerësime risku, marrëveshje për përpunimin e të dhënave, përcaktimin e kontrolluesit dhe të përpunuesit, cenimet e të dhënave dhe bazën ligjore të përpunimit. Ka përvojë edhe me ligjin holandez për mbikëqyrjen financiare (Wft), sipërmarrjet e investimeve kolektive dhe firmat e investimeve, mbikëqyrjen dhe masat e zbatimit, mosmarrëveshjet për investimet, llojet e letrave me vlerë, detyrimin e kujdesit ndaj klientit, rregullimin e siguruesve, bankave dhe ofruesve të shërbimeve financiare, si dhe financën e qëndrueshme dhe mosmarrëveshjet ESG në sektorin financiar.

Ka përfunduar LL.M. në Law, Markets and Behavior në VU Amsterdam (cum laude), LL.B. në International and European Law në Universitetin e Groningenit dhe Drejtësinë në Universitetin e Tiranës, si dhe specializimin pasuniversitar në rregullimin financiar në Grotius Academy (Radboud University Nijmegen, 2023–2024). Është pedagog i jashtëm i së drejtës së sigurimeve në programin master në shkenca aktuariale të Fakultetit të Shkencave të Natyrës dhe në vitin 2025 dha leksion për të drejtën e BE-së për TVSH-në për Avokaturën e Shtetit. Është anëtar i Dhomës së Avokatisë që nga viti 2019 dhe flet anglisht, holandisht dhe italisht.

Përvoja profesionale

Përvojë në Holandë (Amsterdam), 2019–2026, në rregullimin financiar, compliance dhe auditimin e brendshëm; Rakipi & Partners, ortak, që nga shtatori 2026

Arsimimi

LL.M. Law, Markets and Behavior, VU Amsterdam, cum laude (2019); LL.B. International & European Law, Universiteti i Groningenit (2017); Drejtësi, Universiteti i Tiranës (2014); specializim pasuniversitar në rregullimin financiar, Grotius Academy, Radboud University Nijmegen (2023–2024); Algorithmic Trading, Oxford Saïd Business School (2021)

Kualifikime & anëtarësi

Pedagog i jashtëm i së drejtës së sigurimeve, programi master në shkenca aktuariale, Fakulteti i Shkencave të Natyrës, Universiteti i Tiranës

Publikime

L. Squintani dhe J. Rakipi, "Judicial cooperation in environmental matters: Mapping national courts behaviour in follow-up cases", Environmental Law Review 20(2) (2018), f. 89–108; A. Senoner, L. Squintani et al., "Mitigation and Compensation Measures under the EU Habitats Directive in Selected Member States", European Energy and Environmental Law Review (2019)